فالنتاين
علاقات

ماذا يعني الحب بالنسبة لهؤلاء المراهقين؟

الحب عندي هو الناس اللي بتعرف تجيب هدايا
14.2.21

في ١٤ فبراير من كل عام، يتحسن مزاجي مباشرة عندما أرى اجتياح اللون الأحمر لأسواقنا وشوارعنا بالبالونات و"الدباديب" والورود والهدايا وأغاني كاظم الساهر. الحياة أقسى وأصعب عندما لا نجد الحُب. قد نختلف كلنا في تعريف بساطته وتعقيده، تتغير وجهات نظرنا وآراؤنا فيه، كلما نضجنا وتقدمنا في العمر واكتشفنا قيمة الأشياء من حولنا، وزادت معرفتنا بالعلاقات وقدرتنا على تمييز الصحي منها. اخترتُ في هذا المقال عدداً من المراهقين العرب، لأتعرف على مفهومهم للحُب، كيف يرونه من وجهة نظرهم؟

إعلان

  • "الحب عندي هو لما بابا يدخل على الغرفة وأنا بدرس ومعه ساندويش شاورما، الحب هو الأكل وبابا من غير الدراسة."  -سمر، ١٨ 
  • "الحب عندي هو الناس اللي بتعرف تجيب هدايا." -يارا، ١٧
  • "الحب يعني الاستمرارية، وهذا لن يحدث لأن طارق العريان خان أصالة بعد ١٤ سنة من الزواج، أي حب سيستمر إذن إذا طارق وأصالة سابوا بعض؟" -نجوى، ١٩
  • "بحس الحب كتير overrated ما بيلحق يبدأ، بصير خلص." -نادية، ١٥
  • "كيفك بالحب؟ بتسأل نانسي عجرم، واجاوبها انه ما رح يجي من الحب إلا وجع القلب." -جاد، ١٦
  • "أول مرة حبيت كانت بنت معي بالمدرسة، بعدين ما رجعت حبيت حدا." -فادي، ١٤
  • "كتير مختلف الحب حالياً عن كل شكل العلاقات اللي عاشوها أهلنا أو الحب المتفق عليه. الحب مش بس بين شب وصبية، ولا هو دباديب وقلوب حب وهبل. تحب حد ما بِحبك ما بسميه حب. تحب حدا بأذيك ما اسمه حب. الحب، تحب حالك أولاً، وبعدين تلاقي الشخص اللي رح يحبك زي ما أنت." -مريام، ١٧
  • "بحب كل بتابعوني على تك توك. ما عندي حب أكبر من حبي لتك توك." -سارة، ١٦
  • "ما بحب أشخاص، بحب لون السما بالصيف، وبحب أسمع موسيقى. وبحب ألعاب الفيديو." -مجد، ١٧
  • "بحب وقتي، بحب أكيّف وأبسط حالي، مع إني بقضيه على تك توك بالنهار وانستغرام بالليل." -دينا، ١٤
  • "خالتي سلوى هي حبيبتي،  بتعملي كل اشي بدي ياه، أقنعت ماما اني أعمل حساب تك توك، وجابتلي ٣ آلاف متابعين عليه بيومين." -محمد، ١٣
  • "ما بعرف شو الحب، بعرف شو يعني حدا يحبني، بس ما بعرف أحب."  -هادية، ١٧
  • "ما في شي اسمه حب، its an invention, a marketing trick." -ياسر، ١٦
  • "ما في حب في الكورونا، إنسي." -ناي، ١٤
  • "بحب أهلي كتير وبكرههم بنفس الوقت، هيدا حب؟" -هال، ١٣
  • "الحُب من وجهة نظري أحلى شيء ممكن نحس فيه من لحظة ولادتنا لحد آخر يوم بحياتنا، ولمّا يكون متبادل بيدوم مدة طويلة، من حق الكل إنه يحب وينحب بدون أي حواجز، وبيكون الحُب حلو أكتر لما يكون مع الشخص الصح." -جمانة، ١٧
  • "أكتر حدا بحبه بالكوكب هو أمي، وبعدها الـ skating." -عادل، ١٦
  • "بخاف من الحب، بخاف اتعلق بشخص ويتركني، وما ارجع حب مرة تانية. وبخاف من الحب من طرف واحد، أحب ولكن ما أنحب." -جمان، ١٨
  • الحب = علاقة سامة. love is toxic." --سما، ١٩
  • "الحب؟ Never understood what it meant -والكلام لـجتسن بيبر." -مياس، ١٦